Khliehriat, Nailur 28: Ki pulit ka thanad Umkiang haka sngi Saitjain ba lah dep, kila ioh jingtip halor ka jingsuba don ar tylli ki bike kiba la pynieng khlem trai ha Wahkoh, Umkiang bad mar mar ki la pynlong iaka jingleit tohkit bad lap ia kitei ki bike kiba la buhrieh ha ki bynta ba long sanium ha katei ka shnong.
Kitei ki ar tylli ki bike ki kynthup iaka Royal Enfield 350 kaba don ia u number AS11U6803 bad ka Bajaj Discover kba don ia u number AS11S1235 bad kidei kiba la shah pynjot iaki wiring ban pynmeh lane start ia kitei ki bike kiba la suba shah tuh naka jylla Assam ban shalan sha Bangladesh.
Hadien katei, ki pulit kila ioh jingtip de ba don sa kawei ka bike ryngkat bad u nongniah uba wan na Ratacherra ban leit sha Umkiang bad hangne ruh, ki pulit kila kthong ia u. Ha katei ka jingtkhong ki pulit, utei u nongniah u bym lah satia ban ithuh, u la ngat ka jingtyngkhuh harud surok bad krad ialade na katei ka jaka da kaba shim kabu iaka jingdum jongka miet bad ka jingrben jongka khlaw.
Hadien ka jingthwet, ki pulit kila ioh noh ia katei ka bike kaba la ngat haka jingtyngkhuh, kaba dei ka Hero Xpulse (Rong Iong Bad Saw) bad kane ruh ka suba ba kadei kaba la tuh naka jylla Assam naba ki wiring ban pynmeh lane start iaka bike kila shah pynjulor.
Pule ruh: NPP Family Fully United, MDA Intact: Dhar Dismisses Rift Rumours
Na ka liang ki pulit ki la rah noh ia baroh lai tylli kitei ki bike sha thanad Umkiang naka bynta ban pyndep iaki jingtohkit bad ban leh iaka bynta katkum ki kyndon jongka ain.
Shuh shuh, lyngba ki e-challan la ioh iaki jingtip iaki trai jong kitei ki bike kiba la shah tuh naka jylla Silchar jongka jylla Assam bad iaka ejahar la dep ban ujor haki pulit ka Arunachal Pradesh. Hadien ia kitei ki bike la aiti noh shaki pulit ka Arunachal Pradesh lyngba ka thanad Silchar naka bynta ban leh iakaba donkam hashwa ban aiti pat sha ki trai ba dei hok.
Peit ruh:
[…] Sa pule ruh: Lap Ki Pulit Umkiang Ia Lai Tylli Ki Bike Ba Suba Tuh, Lait Salit Uwei u Nongtuh na kti… […]