Shillong, Risaw 03: Ki Pulit ka Nongbah Shillong hynne ka step kila ialam ban phah eksamin ia u vice president ka Khasi Student Union u samla Pynkmenlang Sanmiet ha Civil Hospital kaba dei hadien ka jingiew BP jong u.
Lah ban kdew u samla Pynkmen lem bad u General Secretary ka KSU u Ruben Najiar bad u President u samla Raymond Kharjana ki dang shah set ha District Jail namar ka jingshah kem ba mih na ka huri hura haka 19 tarik Nailar haka por pynlong iaka rally arshaka.
Kane ka jingrah ban phah eksamin ka lah ban dei ruh namar ka jingkem tlot haka bor met u samla Pynkmenlang bad kadei ruh kum shi bynta ban pynthikna ba kiba shah set kidei ban don haka met kaba koit ba khiah.
Ia u samla Pynkmenlang la wankit na District Jail daka Ambulance haka jingsynran ki Pulit bad naka liang ki dkhot ka KSU kila ap ha Civil Hospital ban ai jingkhublei bad ban ai mynsiem ia u.
Sa peit ruh
