Ki pulit jong ka Ri Bhoi District mynta ka sngi, ki la ioh ban tam noh ia kawei ka metiap kaba la sdang pyut jong uwei u rangbah u bym lah satia ban ithuh. Haka jingleit tohkit ki pulit, ia ka met jong utei u rangbah lap na kawei ka ingjah kaba don ha 10 Mer, marjan bad ka jaka thep umphniang jong ka NRL.
Na ka liang ki bor pulit, hadien ka jingtohkit bad shondur ruh ia ka durkhmat jong utei u rangbah uba la iap ha katei ka jaka bad pyni sha ki briew shnong katei ka thain, hynrei ym don satia kiba ithuh bad wan shakhmat ban kam.
Kumta na ka liang ki bor pulit, hadien ka jingpyndep iala ka kamram katkum ki kyndon ain, ki la pynkit noh ia katei ka met sha ka jaka buh metiap jong ka Nongpoh Civil Hospital bad pyntip ba na ka liang ki doctor kin sa leh ia ka postmortem lashai ka sngi.
