Shillong, Risaw 10: Ka jingkylluid mynsiem bad ka jingshaniah ki paidbah ha ka VPP party ka la dang paw pyrthei mynta ka sngi ha ka jingialang paidbah ka VPP ha Madan Polo, namar lyngba kane ka jingialang ki paidbah da ka jingieit ki la noh synñiang haduh 3 lak 7 hajar sha ka VPP party ba u President ba rangbah ka VPP U Bah Ardent Miller Basaiawmoit u la aiti syndon ha ka kti jong u Dr. Batskhem Myrboh kum u kyrtong ka VPP ha kane ka election MP shiteng samoi na Shillong parliamentary Seat.
Katei ka song pisa kaba la kot sha ka 3 lak tam, ka dei ka jingai sngewbha ki paidbah ha ka por ba dang iaid ka jingialang kaba long kum ka jingkitbok kitrwiang ia u Dr, Batskhem Myrboh ba un jop ha kane ka election MP shiteng Samoi, kaba dei ka election ba hap ban pynlong hadien ka jingkhled noh u Dr. Ricky AJ Syngkon u MP ka Shillong ba mihkhmat hi na ka VPP party.
Pule ruh: Ka Jingwan Poi U Paidbah Sha Madan Polo, Dei Ka Dak Ba Shai Ban Jop U Dr. Myrboh: Ardent
Haba kren ruh ha halor kane ka synñiang u paidbah, u President ba rangbah ka VPP u Bah Ardent Miller Basaiawmoit u la ong, ba kane ka jingnoh synniang jong ki paidnbah kam dei kaba phi synniang na ka bynta u Dr. Batskhem Myrboh, hynrei ka dei ka jingsynniang na ka bynta ban dang skhem ka pateng jong ka jaid bynriew bad ruh na ka bynta ka ri bad ka jaid bynriew.
Shuh shuh, u la ai khublei kyrpang ruh ia ki paidbah halor ka jingsbun mynsiem jongki bad ruh halor ka jingshaniah jongki ia ka VPP party, ba kan dang lah shuh shuh ban shakri halor shibun ki mat kiba dei na ka bynta ka jingmyntoi jong ka jaid bynriew.
Pei ruh:
