Nongpoh, Risaw 10: Ki paidbah na ki shnong bapher bapher kiba don sha thain Shilliang Umiam kaba hap ha Mawhati Constituency, mynta ka sngi, ki la tuid sha Madan Mawlasnai bad kata ka long ban leit sakhi ia ka jingialang ialap Ilekshon ka NPP, na bynta u Dr. DRL Nonglait, uba dei u Kyrtong ka NPP ha kane ka Ilekshon MP Shiteng Samoi na Shillong Parliamentary Seat.
Ha katei ka jingialang ialap Ilekshon MP Shiteng Samoi ka NPP na bynta u Dr. DRL Nonglait, la iohi da ki hajar ngut ki paidbah, ki la leit ban sakhi bad ban sngap ia ka jingpynshai da ki nongialam ka Party NPP
Kiba la sakhi ha jingialang ban ialap Ilekshon na bynta u Dr. DRL Nonglait, ki kynthup naduh u u Bah Prestone Tynsong, Symbud Myntri Rangbah, uba dei ruh u President ka NPP ha ka jylla, nangta u Bah Charles Marngar, MLA Mawhati, nangta u Dr. Celestine Lyngdoh, MLA Umsning, ka Kong Rona Khymdeit, MDC Nongpoh lem bad kiwei.
Pule ruh: Three CJP Leaders Detained at Delhi Airport, Protest at Jantar Mantar Disrupted
Ki nongai jingkren ha katei ka sngi, kata naduh u Bah Prestone Tynsong, u Bah Charles Marngar bad u Dr. Celestine Lyngdoh, ki la pynpaw ia ka jingkyndit haba ki iohi ia ka jingtuid ki paidbah sha katei ka jingialang, namar ka jingtuid ki paidbah ka la long shaba palat, kampher watla ka dei tang ka jingialang ban ialap Ilekshon tang sha ka thain ki shnong kiba hap sha Shilliang Umiam.
Ha ka jingkren jong ki, ki la ong ruh ba ki paidbah mynta ki dei kiba la stad bad shemphang, kiba sngewthuh ruh ia ki kam babha ia kaba la leh da ka sorkar jylla, kaba la ialam da ka NPP, namar ha kine ki snem ba la ialam da ka NPP, kiba bun ki kam pynroi ki la poi sha ka jylla bad kaba la long shisha ka jingkyrkhu ia ki paidbah.
Pule ruh:
Namarkata, ki la kyntu ia ki paidbah ba ha kane ka Ilekshon MP Shiteng Samoi, ba ki dei ban ai ka jingkyrshan ia ka NPP bad ban pynjop don burom ia u Dr. DRL Nonglait, uba dei u riew rangbah uba la biang pura ban mihkhmat ia ka jylla sha Delhi, namar u dei u briew uba la biang ka jingshemphang bad u ban sa long kum u nongiasaid na bynta ka jaidbynriew ha Delhi.
