Ha kaba ia dei bad ka jinglap ia ki met iap jong ki 4 ngut ki briew ha Umpleng, kata ha ka 6 tarik u Naitung, 2024, Ki pulit ka East Jaintia Hills ki la dep ban registar mukotduma ha Khliehriat Police Station, kaba dei katkum ka Case NO49 (07) 2024 ha ka kyndon 103/3(5) jong ka Bharatiya Nyaya Sanhita (BNS).
Ka kyrwoh khubor, ba la phah da u Superintendent of Police ka East Jaintia Hills, u Giri Pras, la ong ba ka jingtohkit bniah halor kane ka jingjia, ki bor pulit ka East Jaintia Hills ki la ioh ban kem ia uwei, uba la suba donn kti ha kaba pyniap ia kitei ki 4 ngut ki briew ha Umpleng.
Shuh shuh, la ong ruh ba ia ka kyrteng jong une, uba la shah kem, ki Pulit kim pat kwah ban pynpaw paidbah, namar ka lah ban thud ia ka jingtohkit ban ioh kem ia kiwei pat kiba don kti ha katei ka kam pyniap briew haduh 4 ngut ha Umpleng, East Jiantia Hills.
Shuh shuh, la ong ruh ba ka jingtohkit ban ioh kem ia kiwei pat kiba don kti ha katei ka kam pyniap briew, ka dang iaid shaphrang bad kino kino kiba don kti ha ka kane ka kam pyniap briew kin nym lait na ki kyndon jong ka ain, ong ka kyrwoh na u heh pulit ka East Jaintia Hills.
