Ka Argentina kan iakhun pyrshah ia ka Colombia ha ka Copa America 2024 bad kaba yn sa pynkut noh lashai ka step 15 tarik ha ka por 5:30 (IST), ia kaba kin sa iakhun ha Hard Rock Stadium.
Lah ruh ban kdew hangne, ba ka Argentina ka dei ruh ka kynhun nongjop ha ka Copa America 2021, bud kata ha ka snem kaba bud kata ka la long ruh kum ka nongjop ha ka World Cup 2022 ne ka nongjop ha shityllup ha pyrthei bad sa ha kane ka kynti ba mynta ka la rung biang sha ka phainal ha ka Copa America 2024 bad ba kan sa iakhun pyrshah ia ka Colombia.
Ka kynhun ialehkai phutbol ka Argentina, ka don ia ki rangialehkai bad u rangapkol ba pawnam ha ka Pyrthei ia uba la tip kum u Emilliano Martinez, uba dei u rangapkol uba la lah ban kyrda shibun ki bol kiba la dei ban rung sha kol.
Haba phai pat sha ki rangialehkai shakhmat, ka don ia u Lionel Messi, Julian Alvarez, Lautaro Martinez, u Paulo Dybala bad kiwei. Katba ki rangialehkai pdeng ki kynthup ia u Angel Di Maria, u Rodrigo De Paul, u Enzo Fernandez, u Alexis Mac Allister.
Katba ha ki rangapdien ka Argentina ka don ia u Lisandro Martinez, Cristian Romero, u Conzalo Montiel lem bad kiwei.
Ka Colombia ka la ioh ban rung sha ka Phainal, hadien ba ka lah ban pynliem noh ia ka Uruguay da 1-0. Katba haba phai halor ka jingdon ia ki rangialehkai kiba paw ha ka pyrthei, ka Argentina ka kham tam ban ia ka Colombia.
Ka Columbia ka don ia ki katto katne ki rangialehkai kiba kham paw bad kiba la lehkai na ki klob ba la pawnam ha ka pyrthei, kita ki kynthup ia u Lius Diaz, u James Rodriguez, u Jaun Cuadrado, u Jhon Duran, u Yerry Mina, u Jefferson Lerma lem bad kiwei, kiba dei ki rangialehkai kiba ialehkai na ki klob ba pawnam ha kylleng ka pyrthei.
