Ka All India Football Federation (AIFF) ka la pynbna ba mynta ka la thung ia u Manolo Marquez, ba un long kum u nonghikai (Coach) na bynta ka kynhun ialehkai phutbol jong ki shynrang ha India.
La thung ia u Manolo Marquez, uba dei na Spain, ka dei hadien ka jingiehnoh jong u Igor Stimac, uba dei na ka ri Croatia, uba la shimti kum u Coach ne u nonghikai ia ka kynhun ialehkai phutbol ka India naduh u snem 2019, kata hadien mar ia iehnoh u Stephen Constantine, u Coach na ka ri England.
Khyndiat haba phai shaphang u Manolo Marquez, u dei uba na Spain, ha kaba nyngkong u la wan ban long kum u Coach ne u nonghikai jong ka Hyderabad, ka kynhun ialehkai kaba iakhun ha ka Indian Super League ha u snem 2020 haduh u snem 2023, hadien kata pat u la leit ban shimti kum u Coach jong ka FC Goa ha u snem 2023 bad mynta u la long syndon kum u Coach ne u briew u ban sa hikai ia ka kynhun ialehkai phutbol jong ka India.
Haba iadei bad katei ka kam ban thung ia u Manolo Marquez, ba un long kum u Coach ne u Nonghikai ha ka phutbol sha ki rangialehkai ka India, ka AIFF, ka khmieh lynti ba u Manolo Marquez, un hikai bha ia ki rangialehkai phutbol ka India bad ban rah ne kyntiew ia ka India sha ki kyrdan ba kham shaneng ha miej ban iaknieh kyrdan jong ka FIFA.
