Ka tnad pulit jong ka jylla Meghalaya ka la ong ba ka jingkiew ha ka jingbun ki kali, ki kali ar shaka bad ki kali saw shaka, kiba la pyndait da ki pipe pynmih lyer kiba jam bha kiba pynmih ia ka jingsawa kaba jur khamtam ynda la miet ka la pynsngewsih ia kiba bun balang khamtam eh ia kito kiba la noh ka rta.
Ha ka kyrwoh, u Superintendent of Police (SP) ka East Khasi Hills Bah S Nongtnger, ula ong ba kane ka jingleh ka la pynthut ym tang ia ki tymmen ki san hynrei wat ia kiba thut dkhot met, ki khynnah rit bad kiwei kiwei.
U SP u la ong ba wat hadien ba la dep ban bthah man ka por hynrei ki dang iohi ba ki pyndonkam da ki jingtah iit ba lieh, ba rong saw khlem jingbit, ki jingpynsawa, ki jingpynpah bad ki siren ha ki kali jong ki kiba pynkheiñ ïa ki kyndon bad ki kyndon ïaid kali.
Ha kaba iadei bad kane, u SP ula kyntu ia ki nongniah kali ba kin kiar na ki jingpynkhein ba la kdew haneng khnang ban pynthikna ia ka jingshngain ha surok bad ka mariang kaba shngain na ka bynta ki nongshong shnong ka nongbah Shillong bad kiwei kiwei kiba wan jngoh ia kane ka nongbah.
U la ong ba ka tnat MLP kan leh daka ba tyngeh ia kiba pynkhein bad yn pynshitom katkum ka kyndon jong ka aiñ.
