U Anil K Antony, u nongialam ba thymmai jong ka BJP ba dei khmih ia ka jylla Meghalaya kum uta u Prabhari ka BJP Meghalaya, mynta ha sngi la pdiang burom ia u da ki nongialam ka BJP ka jylla ha ka jingwan iuh kjat ka jong u sha ka jylla ha ka jingialang kaba la pynlong ha ophis treikam ka seng ha nongbah Shillong.
U Anil Antony u ba dei ruh u National Secretary bad ha kajuh ka por kum u nongaiktien ka seng BJP, u la shah jied ban long kum u nongpeit pyrman ka seng ha ka jylla hadien u Chuba Ao. U Anil Antony u dei u ruh u khun jong u myntri barim ka tnad kam iada ri ka India, u AK Antony.
Kane ka jingwan shimti jong u Anil Antony ka long ruh ka jingai mynsiem bad ka jingpynskhem shuh shuh ia ka jingkhlain jong ka seng hapoh ka jylla ha ryngkat ka jingiatreilang bad u President ba thymmai ka BJP ha ka jylla, u Rikman G Momin khnang ba ka seng kan nang kiew shuh shuh shakhnat ha kine ki por ki ban dang wan.
