Ki pulit ka Byrnihat Police Out Post mynta ka sngi kila lap ïaka met iap jong uwei u rangbah briew ba la suba ruh ba u la khlad kyndit naka jingpang klongsnam katba u dang ot phlang masi haka thaiñ 12 mer.
U tei u rangbah la tip kyrteng kum u Karna Bahadur 62 snem, bad katkum ka jingtip bala ioh lum la ong ba utei u rangbah u la leit ban ot phlang masi naduh ka por 8:30 baje mynstep hynrei u khlem wan phai iing shuh bad naka liang ki bahaiing kila leit wad ïa u bad lap ba u la thiah iap ha kawei ka khlaw ha katei ka thaiñ.
Naka liang ki pulit ka Byrnihat hadien ka jingioh jingtip kila leit mar mar sha katei ka jaka bad suba ruh ba utei u rangbah u khlad naka jingpang kyndit, namar kam don kano kano ka dak mong haka met, hynrei kala don ka jingmih snam shilliang jong ka khmut.
Naka liang ki pulit kila rah noh ïaka met sha Nongpoh Civil Hospital ban leh ïaka post mortem bad ka jingtohkit halor katei ka jingjia ka dang ïaid shakhmat.
