Ki pulit ka Ri-Bhoi kila khang tala kumba 11 tylli ki dukan kyiad (Wine Store) haka thaiñ Byrnihat bad Khanapara hadien ba u trai ka M/S Sudona Bonded Warehouse u la mudui da ka ejahar ha Khanapara Police Station pyrshah ïa uwei u bar jylla ba la kynnoh ruh ba u la thok la shukor da ki klur tyngka bad mynta u dang phet rieh na kti ki pulit.
Utei u bar jylla u dei u ba la tip kyrteng kum u Gopal Krishna Kaur, bad naka liang ki pulit kila leit ban khang tala ïa kumba 11 tylli ki dukan kyiad haka 24 tarik Naitung 2024 ba kynthup 3 tylli ha Them Marwet Khanapara, 2 tylli ha Baridua, 2 tylli ha Jorabat, 1 ha 13 mer, 2 tylli ha Borbhuin Byrnihat bad 1 ha Harlibagan.
Hadien ka jingmudui ejahar da u trai ka M/S Sudhona Bonded Warehouse naka liang ki bor pulit ka Khanapara Police Station kila register mukotduma katkum ka case no 25(7)2024 bad pynngat ïa u Gopal Krishna Kaur ha ki kyndon aiñ US 381/408/120B/417/418/420/34 IPC bad naka liang ki pulit ki dang pynlong ka jingtohkit bad ban thwet ïa utei u bar jylla u ba dang phet rieh haduh mynta.
