Ki nongñiah kali kamai kiba ju kamai na Meghalaya sha Assam hadien ka jingïalang kaba la long mynta ka sngi ha Nongpoh kila pynpaw ka jingeh haba ki leit sha Assam, khamtam ha kad liengsuiñ ha Guwahati kaba la ktah ïaka kamai kajih jong ki.
Naka liang u Bah Victor Malsawma Duia uwei naki nongñiah kali kamai ba ju kamai sha kad liengsuiñ ha Guwhati ula pynpaw ba man ba poi ha katei ka kad liengsuiñ, ki nongñiah kali kamai ki hap ban siew mar shiteng sha ki dalal da kaba ai nuksa ruh ba lada ka jingkit jong ki ïaki nongleit nongwan ka poi 3000 tyngka ki hap ban siew kumba 1500 sha ki dalal ba don ha katei ka jaka bad nalor kata ki lada ki ieng slem palat ïaka 10 minit ki hap ban siew sa ka bai parking kaba 200 tyngka bad ïa kane ruh la ïakren ban hap pyrkhat naka bynta ki nongñiah kali na Meghalaya bad hadien shi taiew kan sa don biang ka jingkynduh lang ki nongñiah kali kamai ka Meghalaya bad Assam.
