: Ka National Institute of Fashion Technology (NIFT), Shillong ka la pynlong ia ka Orientation Programm ba 3 sngi kata naduh ka 31 tarik u Naitung bad haduh ka 2 tarik u Nailar 2024 na ka bynta ki samla ba wan rung thymmai ba la kot 170 ngut na ka bynta ka course ba 4 snem jong ka Undergraduate bad 2 snem na ka bynta ki Post Gradua Degree.
Katkum ki kyndon ka thong ba hakhmat eh kane ka orientation programme ka long ban pynithuh ia ki samla pule ba dang wan pule thymmai bad ruuh ban don ka jingiaithuh ithaw hapoh ki department bapher bapher, ki course bapher bapher, ki nonghikai bad kynthup ia baroh ki dkhot kiba trei ha akne ka shlem ai jinghikai ban kyntiew ia ka pule ka puthi.
U Shankar Jaha, Director ka NIFT Shilong u la wan ban ai jingkren na kabynta ki samla pule bad da ki kyntien pdiang sngewbha ha ka jingsdang kane ka orientation programme.
Kumba long dang shen ka NIFT Shillong ka pyniaid ia ka undergraduate Bachelor of Design (B.Des) ba saw snem ha ka courses kaba dei shaphang kata Fashion & Lifestyle Design, Fashion Design, Fashion Communication, Textile Design, bad 2 snem na ka bynta ka postgraduate Master kaba dei shaphang ka Fashion Management (MFM). Ka NIFT haduh mynta ka don 19 tylli ki jaka pule ha kylleng ka ri bad ka NIFT Shillong ka dei kawei na ka Shlem kaba don ha jylla shatei lam mihngi ka ri India.
Ki don katto katne ki seat ba la buh kyrpang bad ban pynlait kyrpang ha man la ki department ha ka kyrdan Domicile Category ka NIFT Shillong ba la mang kyrpang na ka bynta ki samla pule na ki 8 tylli ki jylla shatei lam mihngi ka ri India.
Nalor jong baroh ki SC, ST seat ha ka ri India, la buh kyrpang ruh ia ki samla pule na ki jylla shatei lam mihngi ka ri India kum shi bynta ban ai mynsiem ia ki. La don kyrpang ruh ka Sarthak Scholarship Scheme ha kane ka skulbah kaba la mang kyrpang na ka bynta ki samla kiba wan na ki longing longsem baduk ba kyrduh da kaba ki hap ban bud ia ki kyndon ba la buh da kane ka skulbah.
Ka National Institute of Fashion Technology, ka dei kawei na ka skulbah kaba la paw ha ka ri, ha kaba ia dei bad ka phang ba la tip kum ki fashion, design and technology, innovation and retail education bad kiwei kiwei ki sobjek lane ki course kiba ai jinghikai ban pyntbit ia ki samla pule.
