Guwahati, Nailar 6: Hapdeng ka jing wan phah sumar bad wan pyndep iaki kam ki jam sha ri India, leit phai noh ki nong Bangladesh sha la ri la jong hadien ba ka jigngiehnoh kam bad phet krad ka Myntri Rangbah jong katei ka ri, ka Sheikh Hasina hynnin ka sngi sha ka nongbah New Delhi.
Lyngba ka jing iehnohkam ka Sheikh Hasina kum ka Myntri Rangbah, ki paidbah ka ri Bangladesh ki la pynpaw iaka jingkyrmen baka ri kan sa long biang kaba jai jai noh naka jing iakhih kaba la sdang naduh u bnai Naitung bad sdang jur biang hynnin ka sngi.
Uwei u hehspah ka Bangladesh u la ong “ngi kyrmen baka jinglong jingman kan kham jai jai noh hapoh ka ri bad ki ophis kin plie noh nangne shakhmat. Ka Hasina ka la pynlong ia ka jingsynshar hapoh ri kaba dap da ka jingdum bad nga ngeit ba kan don noh ka jingkylla bad ka ri kan bteng ban pynneh iaka jingiadei ba iajan bad ka India namar ba ki nong India ki la iarap ia ngi ha u snem 1971. Ngim lah ban klet ia kane ka jingshisha.”
U Md. Asif u ba dei u nong shangkai pyrthei na ka ri Bangladesh u la ong ba ka ri shen kan wan phai biang sha ka jai jai bad pyntip ba kane ka dei ka rai kaba la shim da ki riew rangbah bad ka sorkar ba shipor ka ban shimti hadien ka jingiehnoh kam ka Sheikh Hasina da kaba bynrap ruh mynta ki jingjia kila kham duna bad u don ia ka jingthrang ba ka jingiadei bad ka ri India kan iai neh bei.
