Shillong, Nailar 6: U MLA barim jongka Mynsynram konstitwensi, u Bah HM Shangpliang mynta ka sngi ula kyntu iaki Dorbar Shnong jong ka thain ban long kiba peitngor iaka rung ka mih ki briew hapoh ki shnong khappud bad ka ri Bangladesh.
Ia kane u Bah Shangpliang ula kyntu namar la suba ba ki nong shong shnong naka ri Bangladesh, ki lah ban wan phet rieh sha Meghalaya lyngba ki thain khappud na Mawsynram namar ka jingiakynad bad jingia umsnam ha katei ka ri.
“Ka jingkyrpad ka jong nga iaki baroh khamtam iaki Dorbar Shnong jong ka thain Mawsynram ban long kiba peitngor bad ban peit pyrman iaka rung ka mih ki briew hapoh ki shnong namar la don ka jingsuba, ba ki nong Bangladesh kin wan phet rieh sha Meghalaya” la ong u Bah Shangpliang.
U Bah Shangpliang ula iaroh ruh iaka Sorkar Jylla lyngba u Symbud Myntri Rangbah ba khmih iaka tnat kam pohing lyngba ka jingpynbna pynjari korphiw miet haki thain khapud ban tehlakam iaka iaid ka ieng laitlan jongki briew haki thain khappud.
Shuh shuh, u Bah Shangpliang, u la ai ruh ka jingiaroh iaki shipai India khamtam ki shipai iada khappud jongka Border Security Force (BSF) daka ba ong ba kin leh iaka ba donkam ban pynthikna ba kan nym mih kano kano ka jingiakynnad ne iakajia haki thain khappud ka Meghalaya-Bangladesh.
