Namar ka jingbym hun ia ka jubab ba la ai da ki bor ka Meghalaya Public Service Commission (MPSC) mynta ka step jong ka 8 tarik Nailar ki nongialam ka Khasi Students Union (KSU) ka la leit tur biang sha ka ophis jong ka MPSC bad dawa ruh ban hiar shuki noh ia u Chairman.
Ha kane ka sien ba ka KSU ka la leit tur sha ka MPSC la lamkhmat hi da u President rangbah ka seng u Bah Lambokstar Marngar lem bad u Bah Donald Thabah, General Secretary lem bad kiwei kiwei ki dkhot.
Lah ban kdew, ba ka KSU ka la nang iai ban halor ka jingdawa ban pyni paidbah ia ki marks jong kiba la ia khun ia ka examination jong ka Post MCS kaba la dep, hynrei ki bor ka MPSC ki la ai daw da kumne kumtai bad ruh ban ai jubab da kaba ym hun paidbah.
Na ka liang ka KSU, ha kane ka jingleit tur biang sha ka ophis ka MPSC, ki nongialam ki la dawa ba u Chairman jong ka MPSC u dei ban hiar shuki noh mardor.
