Hadien ba ka Vinesh Phogat, 29 snem ka rta bad kaba dei ka khlur ialympat (Wrestling), ka la pynbna ba kan shongthait noh na katei ka kam ialehkai jong ka, ka la ong ruh ba kam donbor shuh ban bteng ia ka jingiakhun.
Ka la panmad ruh ia la ka kmie da kaba ong “Mei ka Wrestling ka la jop ianga bad nga la rem noh, sngewbha mab ianga, namar baroh ki jingphohsniew bad ki jingpynshlur jong phi ianga, ki la jot noh hi thiaw, ngam donbor shuh mynta bad ba nga la dap ram haphi baroh”
Ka nongrim kaba la pynlong ia ka Vinesh Phogat, ba kan shim ia katei ka rai ban shongthait noh, ka dei hadien ba ka la shah weng noh na kaba iakhun phainal pyrshah ia ka Sarah Hildebrandt na United States.
