Ka Sarah Hildebrandt naka ri United States kala lah ban khur suk ïaka takma ksiar naka lympung Paris Olympic haka kyrdan 50 kg jong ki kynthei hadien ba ka Vinesh Phogat na India kala shah weng noh naka jingïakhun phainal haka 7 tarik Nailar namar ka jingkhia jong ka kala tam 100 gram.
Ka Hildebrandt na US ka dei ban ïakhun pyrshah ïaka Vinesh Phogat haka phainal jong ka Wrestling 50 kg ki kynthei, hynrei ka dei ka sngi kaba dum ïaka Vinesh kaba khlem ioh shuh ban ïakhun pyrshah haka phainal.
Kane ka jingshah weng ka Phogat kala pynkthang ïaka mynsiem jong ka tad haduh ba kan da pynbna shongthaid syndon na ka jinglehkai wrestling bad pynpaw ruh ba kam don bor shuh ban bteng namar ka jingïaid lynti ban poi sha u thong naduh u snem 2001 tad haduh mynta.
