U Myntri Rangbah jong ka jylla Assam, u Himanta Biswa Sarma mynta ka sngi u la sei syndon da ki map satellite naduh na ki snem kiba mynshwa haduh mynta u 2024 ban pynshai halor ka jingkynthoh ka jong u pyrshah ia ka jingshlei um ka sor Guwahati na ki daw jongka pyniar ia ka USTM ia ki jingtei kaba don ha ka jylla Meghalaya.
“Hadien ka jingshlei um ha kine ki khyndiat sngi ha Guwahati, ngi la khmih bniah lyngba ki map satellite ia ki bynta jong ka Greater Jorabat Hills ha ka jylla Meghalaya, kaba jngai tang kumba 6-7 kilometer na ka sor. Ka jingpynjot ia ki lum bad ki jingthung jingtep ha jaka kaba don ka University of Science & Technology Meghalaya (USTM) ka la batai shai hi dalade” la ong u Himanta Biswa Sarma.
Utei Myntri Rangbah ka Assam, shuh shuh, u la ong ruh ba ka jingsngewkhia ka jong u mynta, kamdei satia thik tang ha ki jaka ba don ka USTM, hynrei sawdong sawkun jong ki jaka ka sor Guwahati kiba dei ki jaka rilum jong ka jylla Meghalaya bad pynshai ba ka jingshlei um kynsan kynsan kadei namar ka jingpynjot pathar ia kiba bun ki lum bad ki dieng ki siej.
Na ka liang u Himanta Biswa Sarma, u la ong ruh ba un sa iakren ia kane ka bynta bad ka sorkar Meghalaya ban iada ia ki jaka sah jaka im, ki khlaw ki btap jong baroh ka jylla Assam bad Meghalaya.
