Ka jingiakhun jong ka ‘Kolkata Derby’ ha ka Durand Cup 2024 kaba la long hapdeng ka Mohun Bagan Super Giant pyrshah ia ka East Bengal Football Club, kaba la dei ban long ha ka 18 tarik ha Salt Lake Stadium ha Kolkata, la hap ban pynsangeh noh, namar ka jingbym shngain ka shongsuk shongsain bad kaba la mih na ka jingiakhih halor ka jingjia shah batbor bad shah pyniap kawei ka Doktor ha RG Kar Medical College bad kaba la jia ha ka 9 tarik mynta u bnai.
Kum ban shu kdew ba ka ‘Kolkata Derby’ ka dei kawei na ki jingialehkai phutbol kaba shongshit bad kaba la bna nam ym tang ha India, hynrei ha ka pyrthei hi baroh kawei, namar ka jingiakhun kan dei hapdeng ki kynhun ba radbah na Kolkata bad kiba dei ruh ki kynhun kiba don shibun ki nongkyrshan.
Kat haduh mynta ym pat pynbna ia ka tarik halor ka jingiakhun hapeng kitei ki Klob ba pawnam na Kolkata bad kaba la tip kum ka ‘Kolkata Derby’, kaba la hap ban pynsangeh noh na ka jingjia ba mih ka jingiakhih kaba jur eh halor ka jingjia shah batbor bad shah pyniap ka samla ba dang pule doctor ha RG Kar Medical College.
