Kum uwei na u nongpynmih ne nongshna phlim na Rilum Garo hapoh ka jylla Meghalaya, u Dominic Sangma sa shisien u la ioh khur biang ia ka nam jop kum u nongshna phlim ba paw ha ka jylla bad wat ha ka ri, ha kaba ha kane ka kynti u la jop kum u ‘Best Director Critic Choice’ ha ka Melbourne Indian Film Festival.
Kane ka jingioh pdiang u Dominic Sangma ia katei ka khusnam, ka dei halor ka jingshna jong u ia kawei ka phlim ba la ai kyrteng Rapture (Rimdogittanga) na Rilum Garo. Kane ka Melbourne Indian Film Festival kala sdang had ka 15 tarik u Nailar 2025 haduh ka 25 tarik u Nailar 2024 ha Australia.
Ka long ruh ka jingsarong ia une u samla nongshna phlim na Rilum Garo jong ka jylla Meghalaya, ha kaba u la ioh pdiang ia katei ka khusnam da kaba u hap ban pyni pyrthei ia ka jingtbit ia kiwei ki nongshna plim ba paw ka ri kum u Kiran Rao na ka bynta ka phlim ‘Lapata Ladies’, Hemant Rao, bad u Diwa Shah na ka bynta ka phlim ‘Bahadur’.
U la ioh pdiang ruh ia katei ka khusnam ka deiha ka 16 tarik u Nailar 2024, halor katei ka phlim kaba u la ai kyrteng Rapture (Rimdogittanga).
Kane ka jingjop u Dominic Sangma, ka dei ka jingjop kaba khraw ha kaba u kum u samla u la hap ban pynlut po ria kitei ki kam shna phlim. Kane ka phlim Rapture kam dei kaba la shu pyniap biej ia ki paidba ka India bad ka la ioh ruh ia ka jingithuh ha ka pyrthei da kaba u la ioh pdieng ruh ia Best Cinematography award ha Malaysia International Film Festival 2024, bad ka NETPAC Award ha ka MAMI 2024.
