Ka jingiakhih daka ba shong kyllain mongor ki Nongtrei lane ki Non-Teaching SSA Staff ha madan phutbol Malki ka la kynjoh sha ka 17 sngi.
Kane ka jingbteng ban shongkyllain mongor ka dei wat hadien baka Rationalization Committee kala dep ban shong jingialang haduh 5 sien bad ki Non-Teaching SSA Staff.
Lah ban kdew ba ka Sorkar Jylla kala thaw daka Rationalization Committee ban khlieh da u Commissioner Secretary ka tnat Pule Puthi ban iakren iaki mat jingdawa ki Non-Teaching SSA Staff.
Watla ka jingiakynduh hapdeng ki Non-Teaching SSA bad ka Rationalization Committee ka ju iai long naka por shaka por hynrei haduh kine ki sngi, kam shym la mih kano kano ka jingseisoh ka ban pynhun iaki Nongtrei SSA.
La sakhi ruh ba haka 16 tarik u Nailar ka kynhun ki Non-Teaching Staff SSA Staff ki la pyrshang ban tur bad ban pynlong ia ka jingiakhih hakhmat ka Main Secretariat hynrei ki la shah pynsangeh shiteng lynti ha ki pulit bad ki bor District.
Haba iadei bad kane ka Rationalization Committee kan shong jingialang biang bad ko Non-Teaching SSA staff haka 19 tarik Nailar bad la kyrmen ruh ba ha kane ka jingialang, yn sa lah ban rai, la ki Nongtrei SSA kin weng noh iaka jingiakhih ne kin iai bteng ban pynjur shuh shuh iaka jingiakhih.
