Ki kynhun ialehkai ka Nongjri Presbyterian Secondary School, kiba la mihkhmat ia ka jylla ha ka U-15 International Subroto Cup Football Tournament kaba la long ha Bangalore, ki la lah ban pynbam ia ka Srilanka da 6-0.
Kane ka jingiakhun kine ki ar kynhun, ka dei kaba la pynialehkai mynta ka sngi ha Bangalore.
Ia kitei ki kol kaba la thep da ka Nongjri Presbyterian SS, la thep da u Marc R. Marak, u Prosparwell Rangthong bad u Banteilang Malieh kiba la ïoh thep mar shikol, katba u Chanjip Chetri u la ïoh ban khur ia ka Hat Trick da kaba thep lai kol.
Ka jingiakhun ba bud jong ka Meghalaya kan dei lashai ka sngi pyrshah ia ka skul ba na ka jylla Madhya Pradesh.
