Kawei ka durkhih (Video) kala saphriang ha kylleng ki rynsan social media kaba la mih ruh ka jingpynrem kaba jur naki ba bun ki riew ieid mrad hadien ba kawei ka hati khlaw kala iap naka jingshah thang bad shah dung da u nar saw ha ka met jongka.
Katkum ka khubor ba la ioh lum, kane ka jingjia ka la jia ha ka 15 tarik u Nailar 2024 ha Jhargram jong ka jylla West Bengal bad lyngba kane ka jingjia ka la mih ka jingkhihwin kaba jur bha ha ki social media ryngkat ki jingpynrem halor kane ka jingleh tohmet kumba la iathuh ba katei ka Hati ba shah pyniap ka dei kaba dang pun khun.
Kumba la paw ha ki durkhih bala saphriang, la iohi ruh ba katei ka Hati kala lynñiar hapdeng ka jingpang naka jingshah dung da u nar saw ba don bad ka ding haka met jong ka haduh ba kan da iap syndon. Ha kawei pat ka video la sakhi ruh ba ki paidbah ki rah da ki nar rod ryngkat ka ding.
