Ka long ka khubor ba kaba da sngewmyllung shisha bad kaba ktah shisha ha ki jingmut jingpyrkhat tang kito kiba la mad ia ka jingthar jong u shiah ha ka jingim, uwei u rangbah na Tripura ba hap ha Sonamura Sub division hadien ka jingshah set phatok ba 37 snem ha ri Bangladesh u la ioh lat biang ban ia kynduh ia ki khun ki kti bad ka ing ka sem, kaba dei hadien ba la pynlait ia u na ka jingshah set phatok ha Bangladesh.
Une u rangbah ba la tip kyrteng kum u Shahjahan Aka Bishal u la ioh ban wan phai ing biang hadien 37 snem ha kane ka sngi Baar bad kumba la iathuh la ong b aune u rangbah u la shah kynnoh leh kam bym man khlem da leh ia ki kam sniew kaba u la shah set phatok ha Central Jail Comilla ha ri Bangladesh.
Katkum ka khubor ba la ioh lum, la ong dei ha u snem 1988 ba u la leit sha ri Bangladesh ban sah bad kiba haing ha sem jong u ba ki pulit ka Bangladesh ki la wan kem ia u ba u la hap shah set phatok haduh 11 snem bad wat la ka jingshah set phatok ka la kut noh, hynrei ym shym la pynlait ia u bad u la hap ban shong phatok haduh 37 snem kaba u la lait noh ban wan phai biang sha ka shnong ka thaw jong u ha Tripura.
Ka long ruh ka khubor kaba ktah ia ka lok bad ki khun ki kti, ha kaba mynta u la don 62 snem ka rta bad ha ka por ba u shah kem ruh ka lok jong u ka dang armet  bad dei ha kane ka sngi baar ba u khun u la iohi ia la u kpa haduh 37 snem markhmat hadien ba la wan phai na ka jingshah set phatok ha Bangladesh.
Kumba la iahtuh da u Chairman ka Foundation, u Moshahid Ali, la shim khia bha ban ioh pynlait ia u Shahjahan katkum ki lynti ka ain bad dei lyngba ka jingbut katkum ki lynti ka ain ha kaba khatduh la pynlait ia u na phatong bad ki bor sorkar ka Bangladesh ki la wan aiti ia u sha ki Shipai BSF ha ka 20 tarik u Nailar 2024 kaba u la phai lyngba ka international border ka Srimantapur Checkpost.
Kaei kaba la pynpaw da u Shahjahan kaba la pynlung mynsiem lut ia kiwei, ka long ba u la ong ba ka jingkmen jong u ka long kaba la palat liam bad kaba um lah shuh ban pynpaw hapoh ka mynsiem jong u bad ka la long ruh ia kumba la kha ar sien ha ka jingim jong u, namar hadien ba u la lait noh na ka jingshah set phatong ha Bangladesh, sa shisien u la ioh lad biang ban ia kynduh ia ki khun, ka lok bad ka ing ka sem jong u.
