U Bah Sniawbhalang Dhar udei u Nongaiktien ka Rashtriya Swayamsevak Sangh (RSS), ka sur jong u kadei ka sur jong ka RSS bad ka Bharatiya Janata Party (BJP).
Ia kane la kynthoh da u President ka Meghalaya Pradesh Congress Committee (MPCC) u Bah Vincent Pala haba jubab iaka jingkam ba Bah Sniawbhalang ba ka Congress kan sa jah kyrteng na Meghalaya.
Lah ban kdew, ba u Ma Sniawbhalang Dhar, u bat ia ka kam kum u National General Secretary ka National People’s Party (NPP) bad ruh kum u Symbut Myntri Rangbah ka jylla Meghalaya.
“U Bah Sniawbhalang u dei u Nongatiktien ka RSS bad BJP, namar kat shaba ki leit ka juh ka sur, dei ban pynduh jait ia ka Congress napoh ka Ri India” la ong u Bah Pala.
U Bah Pala ula pynksan iaka jingkynthoh ba u Bah Sniawbhalang udei Nongaiktien ka RSS, daka ba ong “U hap ban long ka sur jong ki namar ki tip lut iaki kam beain ba u (Sniawbhalang) donkit, naduh ki kam beain drugs haduh dewiong bad baroh ki kam beain. La leh hi da u Bah Sniawbhalang bad ka Company”.
U President ka MPCC u la kam ba haka por ba u dang long MP na Shillong, ki briew ka Central Bureau of Investigation (CBI) ki ju wan ban lum jingtip bad ki File ki don haki meij jong ki.
“Iaka ba mynta u Bah Sniawbhalang u hap ban long ka sur jong ki lym kumta, ka BJP kan sa leh eiei pyrshah ia u. Namar kata nga ong ka sur jong u Bah Sniawbhalang kadei 100% ka sur jong ka RSS bad BJP” ula kynnoh.
U Bah Pala ula ong ba ki paidbah ka Meghalaya kidei ban tip, u Bah Sniawbhalang udei uei namar ula pynsakhi hi daki jingkren jong u. Ula shah pyndonkam daka BJP bad ka RSS.
