Halor u synniang u bynhei ba la kyntiew shibun eh ia put ka tem bad ka rwai ka siaw nyngong eh ha ka jylla Meghalaya, u Bah Lau Majaw ba la tip paidbah ruh kum u u ‘Bob Dylan’  ha Norteast bad ha ka ri Idia hi baroh kawei un sa ioh pdiang ia ka kyrdan ‘Honoray Doctor of Literature’ na ka skulbah University of Science and Technology (USTM) Meghalaya, ka la long ka burom ym tang ia lade, ka ing ka sem bad ia ka jylla Meghalaya hi baroh kawei.
Ka skuilbah USTM ka la rai ban pynkup burom iau Bah Lou Majaw da ka kyrdan Doctor of Literature, ka dei ha ka 10 convocation ka ban sa long ha ka 27 tarik u Nailar 2024 hapoh katei ka skulbah bad ha kane ka sngi kane kajuh ka kyrdan yn pynkup burom ruh ia u Zubeen Garg na Assam, uba dei hi uwei na u nongrwai ba paw ha ka ri.
Ha katei ka sngi, u Lat ka jylla u C. H. Vijayashankar un sa lei tban shim bynta ban pynkup burom ia u Lou Majaw bad ia u Zubeen Garg na ka bynta ban pynkhamti ia katei ka krydan ba la ai sngewbha da ka skulbah USTM bad ha katei ka sngi da ki hajar ngut ki sala pule kiba la pyndep ia ka kyrdan Graduate, Post Graduate bad PH.D yn sa pynkup burom lang da u Lat ka jylla.
Kum ban pynpaw, kane ka jingioh pdiang u Bah Lau Majaw ia katei ka kyrdan ‘Doctor of Literature ‘na katei ka skulbah, ka dei hi halor ka jingwad bniah katei ka skulbah, kiba dei shaphang ki synniang ki bynhei ba la synniang da u Bah Lou Majaw ha kaba kyntiew ia ka put ka tem, ka rwai ka siaw, ba wat ka Nongbah Shillong la tip paidbah ha ka ri kum ka Rock capital of India, dei namar ba don kum kine ki riew ieit ia ka put ka tem bad ka rwai ka siaw ba na sha lyndet ki don shibun ki jingmyntoi na ka bynta ka imlang ka sahlang ha ka jylla.
