U Nongialam ka Liang Pyrshah u Dr Mukul Sangma hynne ka sngi u la ong ba ka Sorkar Jylla kam dei ban lehrain ia ka jingkitkhlieh bad ka dei ban ithuh ia ki jingeh khnang ki samla thepkam ban weng ia ka jingeh.
U Mukul u la kynthoh halor ka jingbymhun iaka jubab jong ka Sorkar Jylla ha kaba iadei bad ka jingdawa ban pynthymmai bad pynkylla iaki jingtreikam jong ka Meghalaya Public Commission Service (MPSC) khnang ba ki samla wad kam ki ioh biang ka jingshaniah.
“Mynta, haba phi kwah ban pynbeit ia ka jingeh, kaba nyngkong eh ka long ban ithuh iaki jingeh. Shisien ba phi la ithuh ia ka jingeh, nangta phin sa lah ban weng ia ka jingeh” la ong u Mukul.
U Mukul u la kynthoh ba lada ka SorkarJylla kam pdiang ia ki jingeh, te kin ym lah ban weng ia ki jingeh bad kane kan pyni ia ka jingkyntait ia ka jingkitkhlieh ki briew ba don haka bor kaba wan ryngkat bad ka kyrdan bad ka bor.
“Lada phim kwah ban ithuh ia ka jingeh, phim lah ban pynbeit ia ka jingeh” u la pynpaw.
U Mukul bynrap daka ba ong “Kum ki nongthaw ain, ngi ai shibun ki jingkular, ngi pynmih ia ka jingkyrmen, ki briew ki dei ban don ka daw ban don ka jingkyrmen bad kin don ka jingkyrmen ynda ngi pyndep shisha ia ki jingkular jong ngi. Ngin sa ïakynduh beit ïa ki jingeh kiba ngim lah ban khmih lynti”.
