Ka North East United Football Club ka la ioh ban rah ia ka nam lahduh ha ka Durand Cup 2024, kata hadien ba ka la lah ban pynliem noh pyrshah ia ka Mohun Bagan Super Giant da 4-3 ha ka jingiakhun kaba la poi sha ka jingiashut Tie Breaker ha Vivekananda Yuba Bharati Krirangan Stadium Kolkata.
Ha ka kylla step jong ka jingiakhun, ka Mohun Bagan ka la ban nion tyngeh ia ka North East United, ha kaba tang ha ka minit ba 6 jong ka jingiakhun, ka la ioh ban thep kol lyngba u Cummins uba la thep ha ka dur jong ka Penalty bad ha ka minit ba 45, ka la ioh biang ban thep sa shikol lyngba u Sahal bad kiba la pynkut ia ka kylla step da 2-0.
Haba bteng ka kylla miet, ki rangialehkai ka Northeast United, ki la sdang ban ialehkai bha bad ha kaba kum katei ka por, kata ha ka minit ba 55 ka la ioh ban pynphai shikol, ia kaba la thep da u Ajaraie bad ha ka minit ba 58 ka North East United ka la ioh biang ban thep kol lyngba u Guillermo, kaba la pyniakhaid ia ka jingiakhun tad haduh ba kut ka kylla miet.
Haba ka jingiakhun ka la kut noh ha ka jingiakhaid, la rah noh sha ka jingiashut Tie Breaker bad dei ha ka Tie Breaker ba ka Northeast United ka la lah ban pynliem noh ia ka Mohun Bagan da 4-2 bad kata ka dei hadien ba u rangapkol ka North East Unted, u la lah ban kyrda ia artylli bol ba la shut da ki rangialehkai ka Mohun Bagan.
Ki khusnam shimet ha ka Durand Cup 2024, arnguat ki rangialehkai ka Northe Unted kiba kynthup ia u Gurmeet Singh, u la ioh ia ka nam kum Rangapkol ba kynsai bad u Jithin MS, u la ioh ia ka nam kum u rang thep kol ba kynsai, katba ia ka nam kum u rangialehkai ba kynsai ha Durand Cup 2024 la ioh da u Noah Sadaoui na ka Kerela Blasters.
