Ka University of Science and Technology-Meghalaya (USTM) mynta ka sngi ka la pynlong da ka jingkynmaw burom ia ka lyngkhuh sngi kha kaba 77 snem u (L) P.A Sangma, uba dei u myntri rangbah ka jylla Meghalaya bad ruh u Lamphang barim ka Ing Dorbar ha Lok Sabha.
Ha kane ka sngi kynmaw burom, na ka liang ki bor pyniaid ka skulbah USTM ki la leh burom da kaba buh syntiew kum shi bynta ban burom ia une u riew rangbah ka jylla uba la noh synniang shi katdei eh ha ka jylla Meghalaya bad ha ka ri hi baroh kawei.
Haba kren ruh ha kane ka sngi, u Chancellor ka USTM, U M. Hongue u la pynkynmaw biang ia ki por ba la leit noh ba u P.A Sangma, u dei uwei na u nongialam ka jylla uba la ju kyrshan ia ka skulbah USTM naduh ba la sdang ban plie bad na ka liang ka skulbah USTM kan iaid kynmaw shi junom ia une u nongialam uba la dei shisha kat u nongialam, pynpaw u Hogue.
U la pynpaw ruh ba na ka liang ka skubah USTM ka la trei ruh lyngba ka PA Sangma International Medical College and Hospital, kaba la ai jingmynjur ruh da ka kynhun myntri ka sorkar Meghalaya, kaba long shi bynta ba ia kane ka medical college bad Hospital la buh nam ia u bad ruh ban iaid kynmaw shi junom kum uta u nongialam ba khraw ka jylla.
