Ka Border Security Force (BSF) lyngba ki shipai na ka 4th Battalion jong ka jylla Meghalaya hynnin ka sngi ki la ioh ban pynpulom noh ia ka jingthmu shalan tuh ia ki Muid sha ka ri Bangladesh lyngba ki khappud jong ka West Jaintia Hills District (WJHD).
Katkum ka tyllong khubor ba la iohlum, la iathuh ba kitei ki shipai ka BSF tang mar ia ioh jingtip halor katei ka kam, ki la pynlong ia ka jingkhynra ha ki bynta jong ka khappud India Bangladesh kaba hap ha WJHD bad ioh ban kurup haduh 23 tylli ki Muid kiba la buhrieh ha ki bynta ba ka kham khlaw ia kiba la thmu ban shalan tuh sha katei ka ri Bangladesh.
Ia kitei ki 23 tylli ki Muid kiba la ioh kurup, ki shipai jong katei ka 4th Battalion ka BSF, ki la aiti noh sha ki bor pulit ka jylla na ka bynta ban pynlong ia ka jingtohkit bad ruh ban lap ia ki briew kiba donkti ha kine ki kam beain.
