3 tylli ki kali kila julor haka jingiatyngkhuh kaba la jia hajan ka Jingkieng Umiam PS, Ri Bhoi District.
Kane kala jia hynnin ka sngi u Blei ha ka por kumba 7:30 janmiet, bad la iathuh ba kane ka jingjia kadei namar ka jingpynher sted palat bad niah khlem akor ka Kali I-20 na Assam kaba don ia u Number AS 01 BD 6925 katba ka dang thmu ban kiew sha Shillong.
Kiba sakhi ia kane ka jingjia, kila iathuh ba ka kali I-20 kaba la pynher sted palat bad kala syllad nyngkong ia ka kali ba hiar na Shillong ba don ia u Number AS 12P 3059 bad kane ka kali ban kiar bad ka la leit rat kyla iaka kali Pickup ba don ia u Number ML05 K 6327.
Tang hadien katto katne por, ki Pulit kila ka Umiam kila poi ban tohkit bad ban leh iaka ba donkam. Ha kane ka jingjia ym shem don kano kano ka jingjia ba sngewsih lait tang ki kali kiba la julor.
