Ha kawei ka dur khih kaba la saphriang ha ki rynsan social media, uwei u samla ba la tip kyrteng kum u Chand Bhura na Moradabad jong ka jylla Uttar Pradesh u la shah bat noh ha ki paidbah, tang na ka daw ba u riam kum ka kynthei Muslim bad tap da ka Burqa tang ban ioh kynduh ia la ka baieid bathoin.
ki paidbah kiba la ipher ia katei ka briew ki la bat noh ia ka bad hadien ba la plied ia ka dur khmat la lap pynban ba u dei u shynrang.
Ha ka jingtalasi ki paidbah ki la lap ym tang ba u tap ia ka dur khmat da ka riam kynthei muslim, hynrei ki la lap ruh ia ka Lighter Pistol kaba pyndonkam ban thang sikret ne duma.
Lyngba kane ka dur khih ba la saphriang, la iohi ba utei u samla u la shah shoh bad shah thap ha ki paidbah, kaba dei halor kine ki kam thok ba u la riam kum ka kynthei muslim bad hadien kata ki la leit aiti noh sha ki bor pulit ka Moradabad.
