Ki rangialehkai Hockey ka India, ki la lah ban pynthikna ialade ban rung sha ka Phinal ha ka Asian Champions Trophy 2024, kata ka dei hadien ba ki la lah ban pynliem noh pyrshah ia ka Korea da 4-1, ha ka jingiakhun Semi-final mynta ka sngi ha Moqi Hockey Training ha Hulunbuir, China.
Haba phai sha ka jingiakhun phainal kaba la long hapdeng ka India pyrshah ia ka Korea mynta ka sngi, ka India ka la lah ban pynliem ia ka Korea 4 tylli ki kol, ha kaba u Harmanpreet Singh u la ioh ban thep ar kol, bud nangta sa ka kol kaba la thep da u Uttam Singh bad u Jarmanpreet Singh.
Katba na ka liang ka Korea, ka la ioh ban thep lyngba u Yang Jihan bad haduh ba kut ka jingiakhun, ki la hap ban pdiang ia namrem kaba 4-1 hakhmat ki rangialehkai ka India.
Lyngba katei ka namjop ha ka Semi-final, ka Indian kan iakhun pyrshah ia ka China ha ka Final jong ka Asian Champions Hockey 2024, kata ka dei hadien ba ka China ka la lah ban pynliem noh ia ka Pakistan ha ka jingiakhun Semi-final.
Khyndiat haba phai sha ka jingiaid lynti ka India, ka kynhun ka bym pat shah rem bad kaba la poi shaduh ka Final ha katei ka jingiakhun, ka la long ba ka la kop ia ka China da 3-0, nangta 5-1 pyrshah ia ka Japan, 8-1 pyrshah ia ka, 2-1 pyrshah ia ka Pakistan bad 3-1 pyrshah ia ka Korea 3-1.
