Ha ka jingiakhun ba nyngkong jong ka Indian Super League (ISL) ka samoi ialehkai 2024/25, ka Northeast United Football Club, ka la lah ban pynliem noh ia ka Mohammedan Sports Club da 1-0 bad ia katei ka kol ba kongsan eh ia ka Northeast United, la ioh ban thep da u Alaeddine Ajaraie ha ka minit ba 90+4 jong ka jingiakhun.
Ka jingiakhun hapdeng kitei ki kynhun ka dei kaba la long ha Kishore Bharati Krirangan Stadium Kolkata, ha kaba ka Northeast United kaba long ka lahduh ha ka Durand Cup 2024, ka la iakhun pyrshah ia ka Mohammedan SC, ka kynhun kaba long kum ka lahduh ha ka I-League ka samoi 2023/24.
Ha ka jingiakhun hapdeng kitei ki arkynhun, ka dei ka jingiakhun kaba iakhaid bha, haba ka kylla step bad haduh ba kut ki 90 minit jong ka jingiakhun, ym shem la don kiba lah bna pynkhihjar, hynrei ka jingdonbok ka Northeast United, ka dei ka ki minit pynjlan jong ka jingiakhun kata ha ka minit kaba 90+4, ba ka Northeast United ka la ioh ban thep kol lyngba u Alaeddine Ajaraie, kaba la biang pura ia ka Northeast United ba kan khur ia ka 3 poin kaba pura haba sdang ka samoi ialehkai ISL ba mynta u snem.
