Ka Khasi Hills Autonomous District Council (KHADC) kala ai ka jingtyrwa shaka 16th Finance Commission ban mang tyngka naka bynta ban thungkam haduh 3000 ngut ki Town and Village Police Force.
Ïa kane la pyntip da u CEM ka KHADC u Bah Pyniaid Sing Syiem bad u la ïathuh ba kiwei ki Autonomous District Council (ADC) hapoh ka thaiñ shathei lammihngi ki la dep ban thungkam iaki Town and Village Police Force.
Haba kren sha ki lad pathai khubor u Bah Pyniaid u la ïathuh ba hapoh ka thaiñ Khasi Hills ki don 3000 tam tylli ki shnong bad ka jingthungkam Town and Village Police Force kan iarap iakhun ïa kano kano ka jingeh ha ki shnong.
“Tang hapoh KHADC ngi la tyrwa ban don 3000 ngut ki Police Constables kata 1500 ngut ki shynrang bad 1500 ngut ki kynthei bad ïa kane ngi la ai jingmut ia ka 16th Finance Commission” la ong u Bah Pyniaid.
