Ki pulit ka Nongstoiñ mynta ka sngi ka 2 tarik u Risaw kila lap noh ïa kawei ka metïap jong u rangbah briew na ka wah ba ju khot Wahriat kaba don sha tbian ka jingkieng heh jong ka sor Nongstoiñ.
Utei u rangbah udei uba la tip kyrteng kum u Bah Herbert Mawlieh ba shait khot sien bahrit, uba na ka shnong Pyndengrei Nongstoiñ bad uba shong kha ha ka shnong Themïew new-nongstoiñ.
Utei u rangbah uba la 39 snem ka rta la ong ba u la jah naduh ka 28 tarik u Nailur 2024 naduh ka por step, udei uba shait niah kali Alto truck, hynrei ha katei ka step wat ki slipar, mobile bad u duma ruh u khlem rah ha kaba u la iehnoh noh ha ka kali ba u ju ñiah, ong ka tyllong khubor bad ïa ka daw ka jingïap ym pat lah ban tip.
Ha kane ka jinglap ia ka met iap utei u rangbah, ki bor pulit na Nongstoin ruh ki la poi ban shimti ia ka met bad ban rah sha Civil Hospital Nongstoin ban leh ia ka postmortem examination bad ka jingtohkit halor kane ka jingjia ka dang iaid shakhmat na ka bynta ban lap ia ka daw tynrai jong ka jingiap une u rangbah ha kane ka wah.
