U Liam Payne u ba dei u nongrwai barim ka kynhun One Direction u la khlad noh na kane ka sla pyrthei haka rta ba 31 hadien ba u la hap naka mala balai jong kawei ka Hotel ha Buenos Aires, Argentina.
Katkum ka khubor bala iohlum la ong ba ki pulit jong ka ri Argentina kila poi ha katei ka jaka hadien ba la ioh jingtip ba don uwei u briew u ba leh kulmar bala suba ruh ba dei naka jingktah u drok bad ka kyiad.
Katba bun ki jingtip ba bniah kiba ïadei bad ka jinglong jingman jong ka jingiap jong u kim pat shai bha, u Payne u la kren paidbah shaphang ki jingeh jong u bad ka jingkoit jingkhiah ha ka bor pyrkhat bad hap ban dih kyiad ban ïaleh pyrshah ïa ki jingeh ha kaba ïadei bad ka nam.
Ka jingkhlad noh jong u ka la pynlong ïa ka jingtuid jong ka jingsngewsih na ki khlur bad ki nongkyrshan jong ka kam rwai, kumjuh ruh ki paidbah kiba la ïalum lang shabar jong ka hotel.
