Ka Dr. Mehtab Chandee A Sangma, kaba dei ka kurim u Conrad K. Sangma, Myntri Rangbah ka sorkar jylla, mynta ka sngi ka la pyndep ban leit thep kyrteng, na bynta ban aireng ha kane ka Ilekshon Shiteng Samoi na Gambegre Assembly Constituency.
Ha katei ka sngi ba ka Dr. Mehtab Chandee A Sangma, ka la leit ban thep kyrteng hakhmat u Returning Officer ka West Garo HIlls, la synran lang da Conrak K. Sangma, uba long kum u National President ka NPP lem bad shibun ngut ki nongtrei ka party NPP.
Nalorkata, ki la don sa da ki hajar ngut ki nongkyrshan ka Party NPP, kiba la leit ban synran ha katei ka sngi, ba ka Dr. Mehtab Chandee A Sangma, ki la leit ban synran ia ka, kaba long kum shibynta ban pynpaw ia ka jingkyrshan kaba pura ia katei ka kyrtong jong ka party NPP.
Kum ban pynkynmaw, kane ka ilekshon shiteng samoi ha Gambegre Constituency ka wan hadien ba u Saleng A. Sangma kum u MLA u la iehoh kam, kaba dei hadien ba u la shah jied kum u MP ka Tura ha ka Ilekshon MP kaba dang shu dep shen ha ka ri.
