U Amritpal Singh u ba dei u nongïalam Khalistan bad dei ruh u nongïalam ka Waris Punjab De u ba dang don mynta hapdeng ka jingshah set along haka jylla Assam u la jop ïaka elekshon MP Lok Sabha na Khadoor Sahib jong ka jylla Punjab.
Une u nongïalam Khalistan u la ïakhun ruh kum u kyrtong shimet na Khadoor Sahib Parliamentary Constituency bad ioh haduh 404430 votes bad tam haduh 197120 votes ïa u Kulbir Singh Zira naka Indian National Congress u ba la ioh haduh 207310 votes.
Lah ruh ban kdew hangne ba u Amritpal Singh u la ïakhun ïa kane ka elekshon MP na along jong ka jylla Assam khlem da leit iuh kjat ne ïalap elekshon haka Constituency kaba u la mihkhmat ban ïakhun, hynrei ki paidbah kila jied bad pynjop ïa u ha kane ka kynti kaba mynta.
U Amritpal Singh u dei u nongïalam Khalistan bad nongïalam ka Waris Punjab de bad u la paw pyrthei hadien ka jingthombor ki paidbah ïakawei ka Police Station hadien ka jingshah kem jong uwei u nongkyrshan ha u snem 2023 bad ïa u Amrit Pal Singh la kem ïa u ha u snem 2023 hadien ka jingkhynra bad ïa u ne u briew la pynngat kyndon ruh hapoh ka National Security Act, bad haduh mynta u dang don ha along jong ka jylla Assam.
NA ALONG JOP ELEKSHON U AMRITPAL SINGH HA PUNJAB
