Ka kong Pinki Maring naka jylla Meghalaya kaba dei ruh ka nongjop ba nyngkong jong ka Miss Meghalaya ha u snem 1998, kala jop ïaka Mrs World Peace bad kumjuh ruh ka nam Beautiful Skin haka jingïakop pyni riam bad dur bhabriew jong ki longkmie na kylleng ka pyrthei haka Season 2 jong ka Mrs World International 2024 kaba la long haka 1 tarik jylliew ha Leela Hotels and Resort Ambience Mall Gurgaon.
Katkum ka khubor bala ioh lum ka kong Pinki Maring kala rung haka thup jong ki 60 ngut ki finalist napdeng 500 ngut ki nongïashim bynta na kylleng ka pyrthei bala wan ruh ban shim bynta da ki thei bhabriew naka fashion and Entertainment Industry.
Naka liang ka Barkha Nangia kum ka nongpynïaid bad nongshem jong ka Glamour Gurgaon kala ong ba katei ka jingïakop pyni dur bhabriew ki longkmie bala shongkurim ka long ban pynkup bor ïaki longkmie haka ri bad shabar ri, ba kin ioh kheit ïa u soh ka jingjop katkum ka jingangnud jong ki, lyngba katei ka rynsan.
KHUR KA KONG PINKI MARING ÏAKA NAM MRS WORLD PEACE
