Ki riew paidbah, ki la lap ia u wei u bom grenade hakhmat ka khyrdop jong ka GP Women’s Government College kaba don ha Central Jail Road, Imphal.
Ia u ne u bom grenade la lap ruh bad kawei ka shithi byrngem ba la thoh, “Pynduh noh ia ka jingjied liang ha ka pule puthi, Burom ia ka hok ki samla pule na ka longiing baduk”, ba la thoh da ka kynhun samla pule na ka longiing baduk kaba thoh ha ka ktien nongwei “Down with Fascist Education System, Honour the Rights of Proletarian Students’ Free Education Movement, Glory to the Proletarian Students.”
Halor kane ka jinglap ia u tei u bomb na ka liang ki pulit ka Manipur, ki la iathuh, ba la lap ia u ne u bomb hakhmat katei ka jaka pule sorkar jong ka GP Women’s Government College ha ka por 6 baje mynstep, marmar ki pulit bomb squad ka Manipur lem bad ki pulit ki la leit sha katei ka jaka ban shimti bad ban pynlong jingtohkit.
Ki pulit ka BDS ki la lah ban pynduh bor noh ia u ne u bomb grenade bad la pyndep ia ka kamram katkum ka ain ha Lamphel Game Village.
Ki pulit ka Imphal ki dang tohkit halor ka jingthmu da ki kynhun bym ithuh ban leit buh bomb grenade ha katei ka jaka pule bad halor ka jingthmu jong katei ka shithi byrngem.
