Ka Kompani pynmih kali ar shaka ka Yamaha ki la shimkhia ban pynlong da ka programme kaba la tip kum ka Hybrid Mileage Challenge ban pynsngewthuh ia ki nongpyndonkam ne ki trai jong ki kali arshaka ba pynmih da ka Yamaha halor ka jingkhlain ne ka jingduna bam umphniang.
La pynlong ia kane ka Hybrid Mileage Challenge ha ka Yamaha Showroom Nongpoh bad ki nongiashimbynta kiba don kumba 9 ngut ki la leit ban niah ne test drive ia ki scooty hybrid ba la sdang na kane ka showroom sha Umran bad ban wanphai biang.
La wan ban sakhi ha kane ka programme da u trai ka Yamaha Showroom Nongpoh u Bah Micheal Kharhunai, u Iadonlang Passah bad ka kynhun Yamaha na Nongbah Shillong.
La sam ruh ia ki khusnam sha 3 ngut ki nongjop ba kynthup ia u Pynshailang Kyrsiang u la ioh kumba 86.58 kilometre shi liter, u Baiaishahslem Syngkli 82.32 kilometre shi liter bad u Bankitbok Diengdoh u ba la ioh 82.09 kilometre shi liter.
