Nongstoin, Naiwieng 12: Kawei na ka jingjia ba sngewsih ka la jia mynta ka step ka 12 tarik u Naiwieng 2024 ha ka shnoing Rimynniar ha ka thain Nongstoin, ha kaba la kynnoh uwei u nonghikai skul ba la 50 snem ka rta bad ba la tip kyrteng kum u Bokstar Sohlang, uba dei na ka shnong Mawkhlam- Nongpyndeng u la duh syndon ia la ka jingim, kaba dei hadien uwei u briew ba la tip kyrteng kum u Piswel Langrin u la pyniap ia utei u rangbah da kaba shu ot na pdot jong u.
Kumba la ia lum jingtip la ong ba kane ka jingjia ka la jia mynta ka step ha ka por 1 baje mynstep, ha kaba la kynnoh ba ka la don ka jingiakajia hapdeng kine ki ar ngut, tad haduh ba u Piswel Langrin u la pyndonkam syndon da ka tari ban shu ot nap dot utei u nonghkai skul, ba u la duh noh ia la ka jingim na ka daw ka jingmynsaw kaba jur, ha kaba la hajan ing utie uba la suba don kti ban pyniap.
La iathuh ruh hadien ka jingshah pyniap utei u rangbah, utei u runar u la phet krad noh ia lade a katei jaka, hynrei dei lyngba ka jingiap ki bor synshar shnong bad ki paidbah la ioh ban kem noh ia utei u briew bad ba la aiti sha ka kti ki pulit ban leh ia kaba donkam katkum ki kyndon ain.
Shuh shuh, halor kane ka jingjia, la on gba ki bor pulit ka Nongstoin ki dang tohkit bnia halor kane ka jingjia bad ka jingtohkit ka dang iaid shakhmat ban leh katkum ki kyndon jong ka ain.
