Nongpoh, Naiwieng 27: Ka FKJGP Western Zone mynta ka sngi ka la mih ban pyrshah halor ka jingthmu ban wan pat ia ka Industrial Estate sha Hima Jirang, kaba dei hadien ba ki paidbah nongshong shnong bad ki seng bhalang ki la pyrshah jur ban pynkylla ia ka Conservation Training Institute (CTI) ha Byrnihat sha kata ka Industrial Estate.
Haba kren sha ki lad pathai khubor, u Polosar Mawiong, Assistant Secretary ka FKJGP Western Zone, u la ong ba ka seng ka mih ban pyrshah halor katei ka jingthmu ban wan rah ia ka Industrial Estate sha Hima Jirang, ka dei hadien ba la mih ha ki lad pathai khubor ba la don ka jingai jingai jingmut ban rah noh ia katei ka Industrial Estate sha ka Hima Jirang ba hap ha ka thain Ri Bhoi Sepngi.
U la ong ruh ka seng kam kwah da kita ki Karkhana kiba pynjaboh ia ka mariang bad kiba ktah ia ka koit ka khiah ki paidbah kumba ka Byrnihat ka la ioh ia ka nam ba jaboh tam ka lyer ha ka ri bad ka seng ka wah ba ka sorkar kan wan rah da kita ki skul, ki kolej bad kiwei kiwei ki kam pynroi kiba lah ban ai jingmyntoi ia ki paidbah bad ym da kita ki Kharkhana.
Shuh shuh, u l aong ruh ba ka sng ka pyrshah halor ka nongrim ba ki paidbah mynta ha katei ka thain ki dang ioh ia ka lyer kaba khuid bad ka mariang kaba khuid ba suba bad lada wan rah da kata ka Karkhana kan ktah shibun ia ki paidbah ha ka liang ka koit ka khiah bad dei na kane ka daw ka seng ka pyrshah hah kaba ka sorkar kam dei ban wan rah ia katei ka Karkhana bad lada ka ialeh pyrshah kum ka seng kam banse ban shim da kiwei ki lad kiba tyngeh ban pyrshah ia kane ka jingthmu ka sorkar, u la bynrap.
