Nongpoh, Nohprah 06: Ka FKJGP Umdu Sohkhwai Unit da ka jingkmen kaba khraw mynta ka sngi kala lah ban plie paidbah noh ïaka sem ap kali naka bynta ki paidbah ka shnong Sohkhwai, ïa kaba la noh synniang bad trei hi da ki dkhot jong katei ka Unit ban pynsuk iaki paidbah nongshong shnong khatam ban lait naka sngi u slap
Ia katei ka sem ap kali la wan ban plie da u Bah Eldie Newton Lyngdoh General Secretary ka FKJGP sengkmie, haka jingdonlang u Bah Luistar Lyngdoh President ka FKJGP North Khasi Hills District, ki dkhot naka sengkmie bad North Khasi Hills District, ki nongïalam shnong bad kiwei kiwei.
Ha katei ka juh ka sngi naka liang ki nongïalam kila ioh ruh ban pynskhem ïaki nongïalam ba thymmai jong ka FKJGP Umdu Sohkhwai Unit hadien ba ka samoi treikam jong ki nongïalam ba rim kala kut bala pynskhem syndon da u Bah Eldie Newton Lyngdoh.
Na ka liang u Bah Aldie Newton Lyngdoh, haba kren ha kane ka sngi, u la ai khublie kyrpang ia ki dkhot bad ki nongialam ka Sohkhwai-Umdu Unit, kiba la shim ia kane ka siejam ban pynshna ia katei ka sem ap kali, kaba long ka jingdonkam ki paidbah bad ha kajuh ka por u la kyntu ruh ba kin dang shim ia ka jingkitkhlieh ban ia kit ne ia bah lang ia ka eh ka shon ki paidbah ha katei ka thain.
