Meghalaya, Jylliew 6:
U Rakkam A Sangma, Myntri ka jylla Meghalaya u ba dei khmih ia ka tnad pule puthi ka jylla bad uba dei uwei na ki nongialam jong ka seng National People’s Party (NPP) haba kren sha ki lad pathai khubor mynta ka sngi u la ong ba u Dr Ricky AJ Syngkong, u MP ba thymmai ka Shillong uba dei na ka seng Voice of the Peoples Party (VPP) u don shibun ia ki kam kiba udei ban leh ban pynurlong ia ka jingangnud bad ka jingkwah jong ki paidbah ka jylla.
U la ong ruh ba ka jingjop kput jong u Dr. Ricky AJ Syngkon, kadei ka dak ka shin kaba pyni shai ia kata ka jingkwah jong ki paidbah da kaba ong ruh ba ka seng VPP ha ki por balah dep ka la pynmih ia shibun ki mat jingdawa bad mynta ka kynti, kala dei ka por iaki ba kin pynurlong kita ki jingdawa jong ki paidbah.
Haba kren pat shaphang ka Tura, utei u nongialam ka NPP u la ong ba ki lad pathai social media ki don ia ka bynta kaba ba kongsan eh ban pynngop ia ki paidbah ban nym thep vote ia ka kyrtong jong ka seng NPP halor ki jingkynnoh khlem nongrim kiba bun. U la ong ruh ba ka jingshah rem ka Agatha K Sangma, kamdei satia halor ki jingkynnoh ba ka sorkar ba la lamkhmat da ka NPP, ka la pheil ne ba ba katei ka MP barim jong ka Tura kam lah satia ban trei iala ka kam, da kaba jubab ba kane kadei jingitynnad jong ka jingsynshar paidbah.
