Meghalaya, June 6:
Ki dkhot jong ka Seng Samla Shnong Mawrap kaba dang hap ha Eastern West Khasi Hills District hynnin ka shiteng synnia, ki la ioh ban kem ia uwei u briew uba la suba nongkhaïi drok katba u dang thmu ban leit phai sha ka shnong Mawtangden kaba dei ka shnong jong ka lok ka jong u.
Ha ka jingtohkit ki samla shnong, utei u rangbah uba la tip kyrteng kum u Dibarland Kharmusulman, u la kam ba udei na ka shnong Nongstoin jong ka West Khasi Khasi Hills District bad na ka met ka jong u, la ioh ruh ban kurup ia u drok ryngkat bad ka pisa.
Ka jingbat jong ki samla shnong ia utei u rangbah kadei ruh hadien ba ki la ishankhmat halor ka rukom iaid rukom ieng jong utei u rangbah hynnin ka miet, bad na ka liang jong ka shnong ka la maham tyngeh ruh ba kan nym aili satia ia kine ki briew kiba khaïi bad pyndonkam ia kum kine ki jait jingdih kiba pynjot ia ka shnong ka thaw bad ka imlang sahlang nangne shakhmat.
Na ka liang jong ki samla shnong ryngkat bad ka shnong ki la aiti noh ia utei u rangbah sha ki bor pulit ka thanad Mawkyrwat na ka bynta ba kin leh ia ki bynta ba donkam katkum ki kyndon jong ka ain.
