Shillong, K’lyngkot 13: Ka Dorbar Dalariti Ri Lum Khasi(Khasi Hills Autonomous District Council)kala rai ban wer da ka Dorbar Iktiar Paitbah ia baroh ki longsan mansan jong ki Dorbar Elaka,Dorbar Hima,Dorbar Shnong,Dorbar Kur,Ki Seng Longkmie/Seng Kynthei,ki Seng Samla ha baroh ka thain ba dei ha u pud synshar jong ka Khasi Hills Autonomous District Council ba kin wan mihkhmat sha ka Dorbar iktiar paitbah ka ban long ha Polo 2″Ground haka 18 tarik,Kyllalyngkot 2025 haka por 10 baje mynstep.
Kumta, na ka liang jong ka Khasi Hills Autonomous District Council la kyrpad ba kumba shiphew(10)ngut ki nongmihkhmat na la ki kynhun Dorbar Shnong,Dorbar Elaka,Dorbar Hima,Dorbar Kur,Ki Seng Longkmie/Seng Kynthei,Ki Seng Samla ba phin sngewbha ban wan khnang khnang sha kane ka Dorbar iktiar Paitbah.
Nalor kata,la kyrpad ruh ba ha kylleng ki shlem tem sur jong ki Dorbar Shnong, Dorbar Elaka,Dorbar Hima,,Ki Seng Longkmie/Seng Kynthei,Ki Seng Samla bad ki Dorbar Kur ban pynsawa lem ia kane ka sur byrta bad ka jingrwai kaba dei ban lump ait kat ia ki ba dei ban wan sha kane ka Dorbar iktiar Paitbah. La phah lang hangne iaka sur byrta bad sur jingrwai lyngba ka whatsapp ban leh ia kaba donkam kumba la bthah. U CEM ka KHADC u la khot la wer ba da ka jingiasnohkti lang ki paidbah ha kane ka bynta kan wanrah ka jingjop iaka Dorbar iktiar Paitbah naka bynta ka burom jong ka Jaitbynriew. Kane ka long katkum ka kyrwoh na u Bah Pyniaid Sing Syiem, CEM ka KHADC.
